Kryeministri izraelit, Benjamin Netanyahu deklaroi se diplomacia ka dështuar të ndalojë Teheranin nga zhvillimi i kapaciteteve bërthamore dhe se vendi i tij do të bëjë gjithçka që duhet për të mbrojtur veten kundër Iranit.
Në një intervistë për Sky News, Netanyahu hodhi poshtë përpjekjet e SHBA për të zgjidhur krizën vetëm përmes dialogut.
“Unë nuk mendoj se vetëm diplomacia do të funksionojë. Mendoj se diplomacia mund të ketë sukses vetëm nëse kombinohet me një kërcënim të besueshëm ushtarak ose vullnetin për të përdorur opsionin ushtarak nëse dështon frikësimi,” tha udhëheqësi izraelit.
Ai paralajmëroi se “Irani është hapur i përkushtuar për të shkatërruar, përsëritur Holokaustin dhe shkatërruar gjashtë apo shtatë milionë hebrenj izraelitë” dhe se nuk do të rrijë duarkryq dhe nuk do t’i lejojë iranianët ta bëjnë këtë./abcnews.al
