Kryeministri izraelit, Benjamin Netanyahu i shprehu Sekretarit amerikan të Shtetit, Antony Blinken vendosshmërinë për të dërguar ushtrinë për një sulm tokësor në Rafah, qyteti jugor në Gaza, ku strehohen më shumë se 1 milion palestinezë të zhvendosur nga zonat e luftës.
Ai tha se këtë do ta bëjë me ose pa mbështetjen e SHBA-së, sipas zyrës së kryeministrit izraelit. Netanyahu i tha Blinken, i cili ndodhet në Izrael, se nuk ka asnjë mënyrë tjetër për të mposhtur lëvizjen islamike Hamas pa avancimin e ushtrisë izraelite në Rafah.
“Dhe i thashë se shpresoj ta bëjmë me mbështetjen e SHBA-së, por nëse duhet do ta bëjmë vetë”, theksoi ai./abcnews.al
