Kryeministri Izraelit, Benjamin Netanjahu, gjatë vizitës në Bruksel u kerkoi shteteve anëtare të Bashkimit Europian njohjen e Jeruzalemit kryeqytet ashtu sic beri SHBA-ja. Pas mbërritjes në Bruksel, Netanjahu, deklaroi serish se Jeruzalemi është kryeqyteti i hebrenjve prej 3 mije vjetesh, sic thuhet edhe ne Bibel. Sipas kryeministrit izraelit, Trump me njohjen e tij vetëm sa konfirmoi këtë fakt.
Netanjahu shprehu besimin e plotë se shumica e shteteve anëtare të BE-së do t’i zhvendosin ambasadat tyre në Jeruzalem, duke e njohur ate si kryeqytet te vendit. Kryeministri izraleit kërkoi angazhim të perbashket për më shume siguri, prosperitet dhe paqe.
Shefja e Politikës së Jashtme e Bashkimit Europian, Federica Mogerini, , theksoi në lidhje me deklaratat e Netanjahut se Unioni është i qartë në pozicionin mbi këtë cështje. Ajo mbrojti serish qendrimin se zgjidhja me reale e konfliktit Izrael-Palestinë do të ishte: Jeruzalemi kryeqytet i të dy shteteve.
Kryeministri Netanjahu ndodhet në Bruksel për bisedime mbi cështjen e nxehtë të Jeruzalemit, e cila prej ditesh ka nxitur protesta, dhune dhe viktima ne lindjen e mesme. Kjo është vizita e parë e një Kryeministri Izraelit në selinë e BE, prej më shumë se 20 vitesh.
Shpallja e Jeruzalemit kryeqytet i Izraelit nga Presidenti Trump, i ka lënë Shtetet e Bashkuara të Amerikes vetëm me Izraelin aleat perballe gjithë faktorit ndërkombëtar, jo vetëm në Lindjen e Mesme dhe në vende të tjera arabe, por edhe përballë liderëve europiane./abcnews.al
