Lufta Real Madrid-PSG sapo ka filluar dhe përballë afateve të ardhshme kalimtare mund të ketë surpriza.
Gjithçka do të shkaktohej nga interesimi i “galaktikëve” për nënshkrimin e Kylian Mbappé, të cilit i përfundon kontrata verën e ardhshme dhe ende nuk e ka rinovuar. Pasi klubi francez e mbajti atë verën e kaluar edhe pse kishte në tryezë një ofertë prej 200 milionë euro nga Florentino Pérez, fjala e fundit e kësaj telenovele nuk është thënë ende.
Edhe pse PSG-ja beson në rinovimin e sulmuesit francez, në rast se kjo nuk do të arrihej, skuadra e Nasser Al Khelaïfit do të kishte një as në mëngë dhe është se do të shkonte me gjithçka për nënshkrimin e Vinicius, një futbollist që aktualisht kthehet në një yll në Madrid dhe “parisienët” janë interesuar edhe më pare.
Beteja për të pasur skuadrën më të mirë në Evropë ka nisur dhe skuadra e Ligue 1 nuk mendon të shohë sesi rivali i drejtpërdrejtë për Champions-in përforcohet. Nëse e marrin Mbappé, do të tentojnë Vinicius.
E vërteta është se për shumë, ardhja e francezit do të ngadalësonte evolucionin e brazilianit, kështu që ndoshta operacioni do të kishte mjaft kuptim dhe nuk do të ishte shumë i papërshtatshëm për Madridin. Gjithçka tani është në duart e Mbappes, nëse ai vendos të rinovojë gjithçka do të mbetet e njëjtë, përndryshe, mund të shkaktojë një betejë të pamëshirshme mes dy prej klubeve të mëdha në Evropë. r.t/abcnews.al
