Trupi na dërgon sinjale të shumta nëse ka një problem me funksionimin e zemrës dhe një nga shenjat më të zakonshme shfaqet në buzë. Sëmundjet e zemrës janë shkaku kryesor i vdekjeve në botë. Megjithatë, shumë nuk janë të vetëdijshëm për disa shenja delikate të sëmundjeve kardiovaskulare.
Në shumicën e rasteve, sëmundjet kongjenitale të zemrës zbulohen në mënyrë prenatale ose menjëherë pas lindjes. Sigurisht që ka edhe persona tek të cilët mungojnë shenjat e sëmundjes dhe zbulohen vetëm në moshë madhore, theksojnë ekspertët e klinikës Mayo.
Të rriturit me sëmundje kongjenitale të zemrës mund të zhvillojnë një sërë komplikimesh potencialisht serioze, edhe pas trajtimit. Këto mund të përfshijnë aritmi (rrahje të parregullta të zemrës), infeksion të zemrës, goditje në tru, dështim të zemrës ose hipertension pulmonar.
Simptomë në buzë
Disa njerëz me sëmundje të zemrës zhvillojnë cianozë ose sëmundje kongjenitale cianotike të zemrës (CCHD). Kjo do të thotë se defektet e tyre të zemrës zvogëlojnë sasinë e oksigjenit që shpërndahet në pjesën tjetër të trupit.
Kur kjo ndodh, shumë njerëz vënë re një ndryshim në nuancën e buzëve, e cila është rezultat i reduktimit të oksigjenit në qelizat e kuqe të gjakut. Gjithashtu, ky lloj ndryshimi mund të vërehet edhe në lëkurë apo thonj. /abcnews.al
