Edhe për një vit, ëndrra e Kylian Mbappe dhe PSG-së për të fituar Champions League u shua para kohe. Nga nokauti i parë, nga eksperienca të ndryshme, Bayern Munich u kualifikua për në çerekfinale duke lënë jashtë yllin francez dhe skuadrën e tij.
Në të njëjtën kohë, skuadra që luftoi si askush tjetër për ta blerë në të kaluarën, Real Madridi i 14 trofeve të Champions League, është me një këmbë e gjysmë në çerekfinale pas fitores së thellë 5-2 në ndeshjen e parë përballë Liverpoolit.
Eliminimi i francezëve, nuk mbeti pa u zënë nga mediat spanjolle dhe në veçanti nga “Marca”, e cila ia kushtoi faqen e parë të së enjtes Mbappes, duke i dërguar një ftesë për t’u transferuar te spanjollët e Real Madrid.
“Nëse doni të fitoni Champions League, ju e dini..”, shkruhej në ballinën përkatëse duke iu referuar Mbappes, i cili refuzoi Realin në verën e vitit 2022 duke frimosur një kontratë të re të jashtëzakonshme dhe përrallore me PSG./ h.ll/abcnews.al
