Muaji i kaluar ishte nëntori më i ngrohtë në historinë e matjeve të temperaturës në Portugali dhe Spanjë dhe i gjithë planeti Tokë po ndjek këtë rrugë.
Në Portugali, temperatura mesatare gjatë nëntorit ishte 15.14 gradë Celsius, tha Instituti Kombëtar Meteorologjik (IPMA), i cili ka të dhëna të krahasueshme që nga viti 1931. Temperatura në Portugali ka tejkaluar me 2.69 gradë mesataren për periudhën 1981-2010.
Në Spanjë, Agjencia Kombëtare Meteorologjike (Aemet) njoftoi gjithashtu se ka regjistruar nëntorin “më të ngrohtë” me një temperaturë mesatare prej 12.4 gradë, pra 0.5 gradë më e lartë se rekordi i mëparshëm nga viti 1983.
Ashtu si Spanja fqinje, Portugalia pati vitin e dytë më të ngrohtë që nga viti 1931 në 2023 me një temperaturë mesatare prej 16.5 gradë Celsius, ndërsa në vitin 2022 temperatura mesatare ishte 16.6 gradë Celsius.
Zjarret pyjore, të intensifikuara nga nxehtësia për shkak të ndryshimeve klimatike, shkatërruan 140,000 hektarë bimësi në Portugali këtë vit, që është më e keqja që nga viti 2017, kur u dogjën rreth 530,000 hektarë./abcnews.al
