Mbetjet që janë gjetur sugjerojnë një dekompresion katastrofik që çoi në shpërbërjen e anijes së thellë. Hapat e radhës të autoriteteve pas konstatimit tragjik për fatkeqësinë e pësuar nga anija në det të thellë Titan. Mirëpo, asgjë nuk përfundon këtu dhe hetimet do të vazhdojnë pasi ekspertët duan të kuptojnë se çfarë e shkaktoi këtë tragjedi. Ata duan të shohin nëse është një dëmtim strukturor, ndërsa do të bëhet një hetim si ai i bërë në përplasjet e avionit.
Në këtë rast të veçantë, duke qenë se nuk ka kuti të zezë, dy robotët në zonë, Victor dhe Ulysses do të qëndrojnë në fund të Atlantikut dhe do të përpiqen të mbledhin më shumë mbetje, përveç asaj që është gjetur tashmë për të nxjerrë informacion. Qëllimi është të kuptojmë se ku ka ndodhur kjo këputje në strukturën e nëndetëses.
Një burim tjetër i mundshëm informacioni mund të jenë hidrofonët, mikrofonat nënujorë të përdorur në mbarë botën për të zbuluar tingujt nga testet ilegale të armëve atomike.
Hidrofonët u përdorën në vitin 2017 kur një nëndetëse e Marinës Argjentinase u zhduk. Me këto ia dolën dhe dëgjuan se kishte ndodhur një shpërthim. Nëse hidrofonët kanë regjistruar një shpërthim në nëndetëse, do të dihet saktësisht se kur ka ndodhur dhe ky element do të japë përgjigje.
Ajo që është e sigurt për ekspertët është se nëndetësja në thellësinë në të cilën ndodhej u shpërbë menjëherë. Në thelb, ajo u hodh nga brenda nga presioni i madh hidrostatik, i cili, thonë ekspertët, është i barabartë me peshën e Kullës Eifel.
Duhet theksuar se ende nuk dihet se cila agjenci do të drejtojë hetimin pasi nuk ka asnjë protokoll për aksidente të tilla./abcnews.al
