Loading ...
Në prag të samitit që do të zhvillohet në Tiranë, presidenti ukrainas Volodymyr Zelensky ka falenderuar Shqipërisë për solidaritetin e palëkundur ndaj Ukrainës. Në një postim në platformën X, teksa ka ndarë mesazhin e presidentit Bajram Begaj, Zelensky ka shkruar:
“Faleminderit për fjalët tuaja të mira dhe solidaritetin e palëkundur me Ukrainën, Bajram Begaj. Ne vlerësojmë mbështetjen e Shqipërisë dhe presim me padurim sigurimin e një të ardhmeje paqësore evropiane si për vendet tona ashtu edhe për Europën në tërësi”.
Forumi botëror për sigurinë e Ukrainës do të mbahet me 28 Shkurt, ku do të bëhet bilanci i luftës dhe Perëndimi do të përforcojë angazhimin për të ndihmuar Ukrainën të fitojë luftën me Rusinë.
Mbajtja e këtij forumi në Shqipëri është një tjetër moment i rëndësishëm për vendin, teksa gjatë Këshillit të Sigurimit në OKB, Tirana ishte përkrah Uashingtonit në udhëheqjen e betejës kundër agresionit rus.
/abcnews.al
