Nga Ajgena Korbi
Rënie e lehtë e të shtruarve me Covid dhe rritje e humbjeve të jetës tek të rinjtë. E tillë paraqitet situata në spitalin Infektiv Tiranë javën e fundit.
12 deri në 15 pacientë kërkojnë ndihmë në spital çdo ditë, por sipas mjekes Esmeralda Meta asnjë që ka kaluar sëmundjen më herët nuk është kthyer tu trajtuar.
Ndërsa aktivitetet festive kanë nisur e ndërveprimet me njëri- tjetrin janë shtuar mjekja e spitalit Infektiv iu drejton këtë thirrje qytetarëve.
Për shkak të variantit të ri të Covid Organizata Botërore e Shëndetësisë ka apeluar për anulimin e disa prej planeve të pushimeve. “Omicron” po përhapet me shpejtësi dhe sipas OBSH pas festave parashikohet të kthehet në dominues ndërkohë ende nuk ka të dhëna të sakta për agresivitetin që ai shfaq. /abcnews.al
