Dafina Zeqiri dhe Dj Geek tërheqin gjithmonë vëmendjen e mediave rozë. Dyshja më e përfolur e momentit ndodhen në Turqi ku po shijojnë disa ditë pushime. Gjatë kësaj periudhe, ata kanë ndarë momente me ndjekësit në rrjete sociale por së fundmi, ka qenë Dafina që ka ndarë një video intime me Dj Geek.
Geek dhe këngëtarja shfaqen të shtrirë në shtrat ndërsa ai e përkëdhel dhe e puth në të pasme. Një ditë më parë, Dafina bëri një postim që befasoi jo pak ndjekësit. Ajo shfaqte barkun në një video, krahas së cilës shkruante “foshnje apo buka e tepërt”.
Nga pamjet, Dafina dukej se ishte në një restorant dhe gjithçka mesa dukej ishte në kuadrin e një shakaje. Ndërkohë përsa i përket muzikës, kujtojmë që Dafina po shijon suksesin e këngës më të fundit “Pa ty”. /abcnews.al
