Në Kukës u dogjën mbi një mijë hektarë pyje e kullota

Bashkia e Kukësit ka bërë një bilanc paraprak të dëmeve në pyje nga mbi 20 vatra zjarri që përfshinë zonat malore. Drejtori i shërbimit pyjor Sali Hallaçi, thotë se deri më tani janë djegur mbi 1000 hektarë pyje dhe kullota.

Aktualisht në qarkun e Kukësit vazhdojnë të jenë aktive zjarret në Majën e Rrunë dhe Majën e Zezë. Por në mëngjes pati reshje shiu që ndikuan në fikjen e disa vatrave në këto zona, ndërsa flakët janë në kontroll./ Abcnews.al