Ish-kryeministri Sali Berisha ka ankimuar vendimin e gjykatës që caktoi ndaj tij detyrim për tu paraqitur në prokurori dhe heqje të pasaportës.
Berisha akuzohet për korrupsion pasiv në lidhje me dosjen e ish-kompleksit Partizani.
Sipas Genc Gjokutajt edhe vendimi i dhënë në mungesë, por edhe vleftësimi i masës së sigurisë në prezencë të avokatëvë kryesisht nuk kanë vlerë ligjore.
“Ne e kemi dorëzuar dhe kemi thënë shkakun përse ky ankim është i paplotësuar për pjesën e verifikimit të masës. Të dyja vendimet janë pasojë e mos konsiderimit të provave dhe rrethanave ashtu siç ligji e kërkon. Të dyja vendimet janë nul.”
Të enjten gjyqtarja e posaçme Irena Gjoka pas tre ditësh zvarritjesh të seancës la në fuqi masën e dhënë në mungesë për Berishën.
Ky i fundit rrefuzxoi të paraqitej në gjykatë me pretendimin se është shkelur kushtetuta. Por pas këtij vendimi ai do të paraqitet në prokurorinë e posaçme të hënën e parë dhe të tretë të çdo muaji dhe në të njëjtën kohë do ti ndalohet e drejta për të dalë jashtë kufijëve të shqipërisë nëse nuk vë në dijeni gjykatën.
Më herët e ka ankimuar masën edhe dhëndri i tij Jamarbër Mallltezi që po mbahet në burg për akuzën e korrupsionit dhe të pastrimit të parave.
