Hasi është nga ato zona që për nga numri i popullsisë ka emigracionin më të madh. Vetëm katër mijë të rinj e familjarë aktualisht ndodhen në Angli. Ata investojnë në vendlindjen e tyre ku jetojnë vetëm të moshuara.
Shtëpi të bukura, vila dhe gjelbërim. Një qyteti i sistemuar mirë. Kjo pamje të ofrohet sapo kalon kufirin administrativ të Kukësit e mbërrin në Has. Por si për ironi të fatit këtë vend nuk e gëzon askush. Rreth 4 mijë të rinj e familjarë janë në Angli. Për nga numri popullsisë Hasi zë vendin e parë për emigrim.
Në rrugët e Krumës ka pak qytetarë, dhe ato janë në moshë të thyer. Secili prej tyre ka pjesëtarë dhe të afërm në Angli.
Por ajo çfarë i dallon nga emigrantët e tjerë, hasjanët të ardhurat e tyre i kthejnë në të mira materiale për vendlindjen dhe komunitetin. Kjo e ka bërë Hasin nga një vend i përhumbur me lagje që i përngjajnë atyre evropiane.
Të njëjtin vlerësim ka edhe kryetari i bashkisë Liman Morina, i cili thotë se falë emigrantëve këtu problemet sociale janë zbutur. Dhe ka rritje të mirëqenies të paktën për ata banorë të mbetur.
Gjithçka që shihet është dorë e të ikurve. Investimet nga qeveria janë të pjesshme. Kryebashkiaku Morina, i cili është edhe kryetar i PS në Has ka rezerva. Thotë se Hasi është lënë në harresë. Do duhej të frenohej boshatisja e tij.
Por fenomeni i ikjeve masive duket se do të jetë edhe në vijimësi. Fshatrat dhe qyteti i Hasit do të mbeten pa njerëz. Tërë ajo para e kontribuar këtu, s’do të thotë asgjë./abcnews.al
