TIRANË – Komisioni Qendror i Zgjedhjeve i kërkoi Prokurorisë të hetojë kandidatin e Partisë Socialiste për Bashkinë e Mallakastrës Qerim Ismailaj.
Kryekomisioneri Ilirian Celibashi mori shkas nga përgjigja që Ismailaj i ka dhën pyetjeve në formularin e vetëdeklarimit.
“A ke qenë ndonjëherë në hetim ose gjykim, i është përgjigjur me PO është rasti për ta ridërguar për hetim të thelluar në Prokurori. Nëse bëhet fjalë për të njëjtat raste që janë vlerësuar më parë. Si komisioner s’mund ta marr të mirëqenë, ndaj duhet të presim Prokurorinë.” tha Celibashi
Sherri mes të rinjë në Greqi para disa vitesh sipas Celibashit nuk e pengon Ismailajn të garojë më 14 maj.
Kryeari i Komisionit Qendror të Zgjedhjeve i referohet dokumentacionit të vënë në dispozicion nga organi i akuzës dhe i jep fund diskutimeve të përfaqësuesve të Partisë Demokratike
“Pezullimi nuk mund të merret në konsideratë. Fakti tjetër ka të bëjë me provën që ne kemi paraqitur, dënimi ka marrë formë të prerë dy ditë pas regjistrimit të Ismailajt si kadida për kryetar bashkie në Mallakastër. Neni 69 i Kodit Penal referon që dënime deri në 6 muaj periudha e ndalimit është 2 vjeçare, jemi në kushtet që kandidati është në pengesë ligjore, duhet te vendosë ndalimin e kandidimit.”
“Ismailaj ka përmbushur detyrimin alternativ dhe në përfundim dënimi konsiderohet i paqenë. Vlerësoj se nuk ka ndalim nga pikëpamja e ligjit”
Derisa Prokuroria të shprehet Qerim Ismailaj do të vijojë të jetë në garë për Bashkinë e Mallakatrës dhe të figurojë në fletën e votimit përballë Agron Kapllanajt të Partisë Demokratike dhe Resmi Shanajt nga Foltorja./abcnews.al
