Në 24 orë asnjë viktimë nga Covid në Kosovë, konfirmohen 97 raste të reja

Pas dy muajshëm kjo është hera e parë që në 24 orë asnjë person nuk ka humbur jetën nga Covid 19 në Kosovë.

Sipas njoftimit të IKSHPK-së, në Laboratorin e Mikrobiologjisë Molekulare në IKShPK me metodën RT-PCR dhe në laboratoret private, janë testuar gjithsej 481 persona, prej të cilëve rezultojnë 97 raste pozitive.

Numri total i rasteve pozitive është 14.301 raste nga 54.924 persona të dyshimtë në virusin SARS-CoV-2 dhe 568 raste të vdekjes.

Gjatë 24 orëve të fundit, janë shëruar 139 pacientë derisa numri i përgjithshëm i të shëruarve deri më sot është gjithsej 10.782 raste, kurse numri i rasteve aktive është 2.951./abcnews.al