Artemis Malo është emëruar zv/ministre për Evropën dhe Punët e Jashtme. Vendimi është marrë në mbledhjen e sotme të këshillit të ministrave dhe mban firmën e kreut të qeverisë Edi Rama.
Malo e ka mbajtur edhe më herët këtë post në dy vitet e para mandatit të dytë të qeverisë Rama. Më pas në vitin 2019, Malo u bë deputete e qarkut të Gjirokastrës duke zëvendësuar Flamur Golemin pasi ky i fundit kandidoi në lokalet e 30 qershorit për bashkinë e Gjirokastrës.
Vendimi
EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Artemis Malo emërohet zëvendësministër për Evropën dhe Punët e Jashtme.
Ky vendim hyn në fuqi menjëherë.
/abcnews.al
