Ndjekja e parasë përtej kufirit, sekuestrimi i pasurive të paligjshme ishin në fokus të operacionit të SPAK me antimafian italiane në kuadër të të cilët u lëshuan 52 urdhërarreste.
Në konferencën e përbashkët në Prokurorinë e Posacme, prokurori italian, vlerësoi bashkëpunimin me SPAK si të suksesshëm.
“Falenderimi i shkon të gjithëve, dhe me kontributin e secilit kemi arritur të ndërtojmë një hetim që shkon përtej kufijve. Cdo gjë nga gjyqtarët, forcat e rendit, shkëmbimi informacioneve, DIA, policia e re gjyqësore në SPAK, nëse duke punuar bashkë vendosim angazhimin tonë, mund të arrijmë nivele që më parë ishin të vështira për tu arrirë. Në këto vite bashkëpunim, mund të arrijmë të perfeksionojmë arritjet tona.
Cdo gjë që vjen, si edhe burimet e marra nga Eurojust, dhe bashkëpunimet edhe me vendet e tjera, por edhe me burime të reja, që afron ligjin italian me atë shqiptar si bashkëpunëtorët e drejtësisë, kanë dhënë një kontribut edhe më të madh për hetimin. Për të arritur te flukset ekonomike, pra për të ndjekur paratë përtej kufijve. Kufijtë nuk janë më pengesë se ekziston ky bashkëpunim që na ka lejuar edhe të sekuestrojmë pasuri që janë krijuar në mënyrë të paligjshme.
Të gjitha të ardhurat e paligjshme të transportuara në Shqipëri u hetuan me anë të një analize të detajuar. Prova e këtij bashkëpunimi është prania jonë këtu sot. Ne kemi vendosur të ndjekim këto masa në Shqipëri dhe Itali e kemi bërë me një regji ndërkombëtare që lejoi të mos përhapeshin informacionet. Ndajmë të njëjtat rezultate sepse jemi një skuadër e përbashkët që me kohën po perfeksionohet.” tha ai/abcnews.al
