Një ndjekje policore si nëpër film aka ndodhursë fundmi në Ohio ku pas një përplasje prej katër orësh , policia ka hapur zjarr ndaj dy të dyshuarve që kishin rrëmbyer një person të cilët më vonë humbën jetën në spital.
Përmes një ideo të publikuar në rrjetet sociale duken pamjet tronditëse ku shihen disa policë të patrullës së autostradës në Ohio, të cilët ishin veshur me pajisje taktike dhe i afroheshin një kamioni të vogël të vjedhur ndërsa përpiqeshin të lironin shoferin, i cili besohej se ishte mbajtur peng brenda nga një burrë 54-vjeçar dhe gruaja e tij 51-vjeçare.
Njëri nga të dyshuarit filloi të qëllonte nga kamioni dhe shpejt u ndesh me zjarret e policëve që me sa duket goditën të dy të dyshuarit. Një ushtarak mund të shihet duke shkarkuar mbi 20 fishekë nga pistoleta ndërsa grupi largohet nga vendi i gjuajtësit.
Kur të shtënat përfunduan, pronari i kamionit u arratis dhe u dërgua në vend të sigurt nga dy efektivë.
Dy të dyshuarit, të cilët raportohen se ishin Ronald dhe Barbara Taylor nga Somerset u transportuan në spitalin e Miami Valley në Dejton, ku të dy vdiqën nga plagët e tyre./abcnews.al
