Miratimet për eksportet gjermane të armëve u rritën me një të katërtën në gjysmën e parë të vitit 2023 me lotin më të madh të destinuar për Kievin, tha të martën Ministria gjermane e Ekonomisë.
Ndërsa aleatët rrisin ndihmën ushtarake për të rritur kundërofensivën e Ukrainës, Gjermania dha rreth 5.22 miliardë euro licenca individuale për eksportet e pajisjeve ushtarake vetëm këtë vit, shkruan CNN.
Në gjysmën e parë të vitit 2022, vlera totale arriti në 4.16 miliard euro.
Më shumë se një e treta e eksporteve gjermane të armëve, rreth 1.65 miliardë euro vlerë prej tyre, shkuan në Ukrainë. Hungaria ishte blerësi i dytë më i madh.
Sekretari gjerman i Shtetit, Sven Giegold tha në një deklaratë se vlera e eksporteve “tregoi mbështetjen e vazhdueshme të Gjermanisë për Ukrainën në vetëmbrojtjen e saj kundër agresionit rus, e cila është në kundërshtim me të drejtën ndërkombëtare.”/abcnews.al
