Khloe Kardashian ka rrëfyer detaje nga koha kur nisi të bëhej e famshme. Ylli i “Keeping Up With The Kardashians” tha se ndihej keq kur e krahasonin me motrat Kim dhe Kourtney Kardashian. 37 vjeçarja tregoi se si gjithmonë theksohej se motrat e saj ishin më të bukura në industrinë kur ishte më e re.
Khloe po fliste për “Variety” përpara publikimit të shfaqjes së tyre të re The Kardashians që do të transmetohet në Hulu më 14 prill. “Kur isha më e re, gjithmonë më krahasonin me motrat e mia. Gjithmonë theksohej se ishin shumë më të bukura.“, tha ajo duke shtuar se këto komente ishin “vërtet lënduese”.
Khloe tha se kur presioni bëhet i tepërt për të, ajo “i kujton vetes të gjitha bekimet në jetën e saj”. Familja Kardashian do të rikthehet në televizion me shfaqjen e tyre të re për Hulu që debuton më 14 prill. Për të promovuar vazhdimin e “Keeping Up With The Kardashians”, Kris, Kourtney, Kim dhe Khloe pozuan për kopertinën e re të Variety me veshje të zeza.
