Deputeti i Partisë Demokratike, Ervin Salianji ka denoncuar ditën e fundit katet pa leje të ndërtuara në qendër të Tiranës.
Përmes një postimi në Facebook, Salianji i ka drejtuar disa pyetje kryeministrit të vendit Edi Rama në lidhje me numrin e ndërtimeve të paligjshme.
Postimi i Salianjit:
Kush ja ka lidhur duart kryeministrit që nuk vepron ndaj oligarkëve të ndërtimeve të paligjshme?
Qeveria është e pafuqishme të kthejë përgjigje brenda afateve siç e parashikon ligji për statusin e deputetit, më shumë se tre javë që janë mekur!
Nëse Rama ka fuqi dhe nuk e pengon asgjë për të zbatuar ligjin, ti përgjigjet publikut:
– Sa është numri i rasteve të ndërtimeve të paligishme që qeveria, ka referuar në prokurori për veprën penale të “Ndërtimit të paligishëm” dhe “Dhënia e ndihmës për ndërtim të paligishëm”, të parashikuara nga nenet 199/a dhe 199/b të Kodit Penal?
A janë referuar në prokurori oligarkët e kullave të paligjshme, nëse po cili?
Cila është arsyeja që ligji nuk vlen për këta?
Pse nuk i rrethon policia ndërkohë që po ja u tregojmë në mes të sheshit paligjshmërinë?
Pse nuk ju afrohen fadromat dhe inspektorët e IKMT?
Pse nuk ka gjoba ndaj tyre?
Nuk mbulohen kullat me thasë! Nuk mbulohet dot paligjshmëria me propogandë!
/Abcnews.al/
