Ndërron jetë në moshën 90-vjeçare, senatorja amerikane Dianne Feinstein

Feinstein shërbeu në politikën amerikane për më shumë se tre dekada. Ajo mungoi në Senat për më shumë se dy muaj në fillim të këtij viti për shkak të komplikimeve serioze të shëndetit.

Si një pioniere për gratë në Uashington, ajo ka thyer shumë tabu. Ndër arritjet e saj, ajo ishte gruaja e parë kryetare e Bordit të Mbikëqyrësve të San Franciskos, kryetarja e parë grua në bashkinë e San Franciskos dhe një nga dy nga gratë e para që u zgjodhën në Senatin e SHBA-së për shtetin e Kalifornisë.

Ajo u zgjodh për herë të parë për të përfaqësuar Kaliforninë në Senatin e SHBA-së në vitin 1992 dhe ka mbajtur vendin e saj që atëherë,  duke i mbijetuar fushatave të shumta zgjedhjesh.

Derisa një zëvendësues të zërë vendin e saj, vdekja e Feinstein do të sjellë numrin e senatorëve që përkrahin demokratët në 50 në dhomën e sipërme të Kongresit, duke ngushtuar shumicën qeverisëse të partisë në vetëm një senator.

/abcnews.al