Ndarja s’paska qenë aspak miqësore, Kim Kardashian dhe Kanye West nuk flasin më

Megjithëse u raportua se ndarja mes Kim Kardashian dhe Kanye West kishte qenë miqësore, në fakt është e kundërta. Kardashain dhe reperi nuk flasin më pas divorcit, pasi ky i fundit ndryshoi të gjitha numrat e tij të telefonit duke i lënë mundësi asaj të kontaktojë vetëm përmes sigurimit të tij.

Një burim është shprehur për “Page Six” se reperi 43-vjeçar ka shkëputur kontaktet me Kim madje dhe para se të bënin kërkesë për divorc. Por përkundër armiqësisë, burimi shtoi se dyshja vazhdojnë të bashkëprindërojnë për fëmijët e tyre dhe se Kanye i viziton ata rregullisht ndërsa Kim ndodhet jashtë.

“Edhe para se Kim të paraqiste kërkesë për divorc, Kanye ndryshoi numrat e tij dhe tha: Mund të kontaktoni me mua përmes sigurimit tim. Pavarësisht kësaj ajo e beson atë përsa i përket fëmijëve. Ajo largohet nga shtëpia ndërsa ai rri me fëmijët.”, tha burimi. /abcnews.al