Një 32 vjeçar me profesion jurist në Hipotekën e Fierit është ndaluar nga Policia , pasi akuzohet për korrupsion. Në pranga ka rënë Ervis Bregasi, i cili ishte shpallur në kërkim. Në maj të këtij viti Gjykata e Fierit kishte caktuar masën e sigurisë “Arrest në burg”, për veprën penale “Korrupsion pasiv i personave që ushtrojnë funksione publike” parashikuar nga Neni 259 i Kodit Penal.
Njoftimi i Policisë
Specialistët për Hetimin e Krimit Ekonomik e Financiar në Drejtorinë Vendore të Policisë Fier ndaluan shtetasin e shpallur në kërkim:
- Ervis Bregasi, 32 vjeç, banues në Cakran, Fier.(me profesion Jurist në ZRPP Fier).
Ndalimi i këtij shtetasi u bë pasi Gjykata e Rrethit Gjyqësor Fier me vendimin e datës 26.05.2018, ka caktuar masën e sigurisë “Arrest në burg”, për veprën penale “Korrupsion pasiv i personave që ushtrojnë funksione publike” parashikuar nga Neni 259 i Kodit Penal. /abcnews.al
