Edhe mëngjesin e sotëm nuk kanë munguar batutat në emisionin “ABC e Mëngjesit”. Ka qenë moderatori Enkel Demi, i cili ka ironizuar sërish ministres e Shëndetësisë Ogerta Manastirliu.
Këtë herë, ai e ka ironizuar lidhur me vendimin për ndalimin e muzikës pas orës 20:00 për parandalimin e përhapjes së Covid-19.
“Do organizohen koncerte rroku në 8 të mëngjesit. Nuk do quhet jetë nate po jetë dite. Ku po shkoni? në party, mbarojmë në 2 të drekës.
Ky vendim ka mbushur me entuziazëm të gjithë këngëtarët, të cilët tashmë do të qendrojnë pranë familjarëve të tyre”, tha Demi.
Ndërkohë më tej shtoi me plot humor: “E morët vesh një çift u ndan dje se gruaja këndonte në dush pas orës 8”.
Kujtojmë që ditën e djeshme, ai ka ironizuar Manastirliun, pas publikimit të videos, ku si serum ishte përdorur një shishe uji. Moderatori ka thënë se shëndetësia po ecën me hapa galopant./abcnews.al
