Në NBA, Miami vazhdon të fitojë dhe siguron edhe ndeshjen e 3-të të finaleve të Konferencës së Lindjes.
Heat mundën me rezultatin 128-102 Celtics, duke shkuar në 3-0, dhe tani do t’u mjaftojë edhe një tjetër fitore për të arritur finalen e madhe kundër Denver Nuggets ose Los Angeles Lakers.
Fitorja e thellë e Miami Heat u kuptua që në pjesën e pare, të cilën të vendasit e mbyllën me një avantazh prej 15 pikësh, (61-46), por ishte në periodën e tretë me rezultatin 32-17 që ndeshja u arkivua krejtësisht dhe 12 minuta nga sirena finale diferenca ishte plot 30 pikë, kështu që në periodën e katërt Celtics ia dolën vetëm ta reduktonin pak diferencën.
Protagonist në triumfin e Miami ishin padyshim Vincent, Robinson e Martin, me nga 29, 22 e 18 pikë respektivisht, ndërsa Jimmy Butler shtoi plot 16 pikë në “llogarinë” e shokëve të tij të skuadrës.
Mes radhëve të Boston, në krahun tjetër, më i miri ishte Jayson Tatum, me double – double prej 14 pikësh dhe 10 rikuperime, por me vetëm 33% të goditjeve të realizuara. Nuk mjaftuan as 12 pikët e shënuara nga Broën, Pritchard dhe Grant Williams, përtej 11 pikëve të Kornet. /i.m /abcnews.al
