Gara për titullin kampion në NBA ka njohur një tjetër pretendent. Nju Jork Niks shpërblyen të gjitha parashikimet, duke siguruar vendin në çerekfinalet e play off, duke nxjerrë jashtë Detroit.
Niks fituan sfidën e gjashtë 116-113, duke mbyllur 4-2 serinë e përgjithshme. Xhejlën Branson ishte edhe një herë udhëheqësi i skuadrës nga “Molla e madhe”.
Ai shënoi 40 pikë, ndërsa ndihmoi ekipin me 7 asist dhe 4 topa të kapur në tabelë. Një paraqitje të shkëlqyer bëri edhe Brixhs, që i shtoi suksesit të Niks, 25 pikë të tjera.
Por në çerekfinalet e play off në NBA, gjërat bëhen më të vështira, pasi gjëjnë në rrugën e tyre rekordmenët e titujve, Boston Sëlltiks. Gjithçka e hapur mbetet në përballjen tjetër mes Los Anxheles Klipers dhe Denver.
Meritë e skuadrës kalifoirniane, që fitoi 111-105 ndeshjen e gjashtë në 1/8 e play of, duke barazuar 3-3 serinë e përgjithshme. Xhejms Harden dhe Kauli Leonard shfytëzuan të gjithë talentin dhe mbi të gjitha eksperiencën e tyre për të mbajtur në lojë Klipers,
Harden ishte shënuesi më I mirë me 28 pikë, ndërsa vetëm një pikë më pak realizoi Leonard. Për Denver, nuk mjaftoi Nikola Jokiç. Ylli i Naxhets shënoi 25 pikë, kapi 7 topa në tabelë dhe dha 8 asist.
Bileta për në çerekfinalet e NBA do të diskutohet në ndeshjen e shtatë dhe të fundit që do të luhet sërish në fushën e Klipers./abcnews.al
