Nazarko: Sikur të dëgjonin serbët se çfarë themi ne për Vuçiçin, do të çmendeshin

Analisti Mentor Nazarko, deklaroi se Aleksandar Vuçiç arriti të fitojë sërish në Serbi për shkak të rezultateve ekonomike që ka arritur.

I ftuar në “Log.” të gazetarit Endri Xhafo, Nazarko me batutë tha se ndryshe nga shqiptarët, serbët kanë afeksion për Vuçiçin.

Sipas tij sikur serbët të dëgjonin se çfarë diskutohet në tryezat mediatike shqiptare do të çmendeshin.

“Diskutimi në rrafshin e rezultateve ekonomike është diskutim real. Po të dëgjonin serbët se çfarë diskutojmë ne në tryezat tona do të çmendeshin, se ne u kërkojmë këtu të largojnë Vuçiçin, të dalin kundër Rusisë. Rezultatet ekonomike e ka krejt ndryshe nga liderët e tjerë”, tha Nazarko.

/Abcnews.al/