NATO po ndërmerr një masë të rëndësishme sigurie për të mbrojtur infrastrukturën thelbësore nënujore në Detin Baltik, duke dërguar rreth 10 anije në këtë rajon deri në fund të javës, sipas një raporti të gazetes finlandeze.
Anijet do të monitorojnë zonat afër kabllove të energjisë dhe të dhënave që janë kritike për lidhjet energjetike dhe komunikimet ndërkombëtare, me qëllimin për të parandaluar sabotimin dhe veprimet e tjera të mundshme që mund të rrezikojnë këto struktura.
Operacioni është një përgjigje ndaj shqetësimeve në rritje për sigurinë e infrastrukturës nënujore, e cila është bërë një objektiv i mundshëm për sulme të mundshme, përfshirë ato të sponsorizuara nga shtete të tjera ose grupe të ndryshme të dhunshme. Shtetet anëtare të NATO-s janë të shqetësuara për mundësinë e aktet të sabotimit që mund të dëmtojnë ose të shkaktojnë ndërprerje të rëndësishme të energjisë dhe informacionit, duke pasur parasysh rëndësinë e këtyre kabllove për furnizimin me energji dhe lidhjet mes shteteve.
Anijet do të qëndrojnë në rajon deri në prill të vitit 2025 dhe do të monitorojnë vazhdimisht aktivitetet në det, duke siguruar që çdo tentativë për të shkelur ose prishur këtë infrastrukturë të nënujore të frenohet në kohë.
Ky angazhim është një pjesë e përpjekjeve më të gjera të NATO-s për të garantuar sigurinë në detet ndërkombëtare, sidomos në një periudhë kur tensionet geopolitike janë të larta dhe kur rriten kërcënimet ndaj infrastrukturave kritike. / abcnews.al
