NASA: Rusia ka korrur grurë me vlerë 1 mld dollarë në territoret e “pushtuara” ukrainase

schedule08:08 - 4 Dhjetor, 2022

schedule 08:08 - 4 Dhjetor, 2022

Rusia ka korrur rreth 1 miliard dollarë grurë ukrainas këtë vit, sipas agjencisë amerikane të hapësirës, NASA.

Sipas programit të sigurimit ushqimor dhe bujqësisë së agjencisë , NASA Harvest, 5.8 milionë tonë drithë u korrën në fushat e Ukrainës “tëcilat nuk janë nën kontrollin e Ukrainës”.
Hulumtimi i agjencisë, në bashkëpunim me partnerët e saj të ndryshëm, u bazua në imazhet satelitore.

Në total, të korrat nga territori ukrainas këtë vit ishin rreth 26.6 milion ton grurë , një sasi shumë më e madhe se sa ishte parashikuar, sipas shkencëtarëve të përfshirë në hulumtim.

Ndërsa kjo korrje është më pak se rekordi i vitit 2021, 33 milionë tonë, është afër mesatares pesëvjeçare prej 27.9 milionë tonësh.

Por Ukraina nuk ka akses në 22% të kësaj shume, në pjesën lindore të vendit, për shkak të pushtimit të ushtrisë ruse më 24 shkurt dhe luftës së vazhdueshme./abcnews.al/