Nard Ndoka befasia e madhe, del lista e kandidatëve më të votuar në Shkodër, PS, PD, LSI

Në Shkodër deri në mesnatë ka vijuar numërimi për kandidatët, pra vota preferenciale për të vazhduar sërish në mëngjesin e së mërkurën në 09:00 pas pushimit të komisionerëve. Por si janë rezultatet? Nga socialistët vendin e parë e mban Benet Beci me 3586 vota, i ndjekur nga Sterkaj dhe më pas Ilir Beqja, i cili lë mbrapa Edona Bilalin.

PS në Shkodër ka tre mandate dhe tre të parët në listë janë Edona Bilali, Paulin Sterkaj dhe Benet Beci. Ilir Beqja është i katërti në listë, pra nëse nuk arrin që të thyejë hersin atëherë do të jetë jashtë parlamentit. Për momentin nga 177 kuti të numëruara nga 411, Beqja ndodhet i treti në listën e më të votuarve me shpresën për të thyer hersin deri në kutinë e fundit, që nëse ndodh do të nxjerrë jashtë një nga lista e tre fituesve.

PD ka fituar 5 mandate në Shkodër, që do të thotë se nëse nuk thyhet hersi në parlament do të jenë; Helidon Bushati, Emilia Koliqi, Ramadan Likaj, Greta Bardeli dhe Zef Hila. Por lista e miratuar nga kryetari Basha mund të pësojë ndryshime, pasi Bardh Spahia që është i shtati deri tani ka marrë 3577 vota, pas tij vjen Lodovik Hasani në listën e të preferuarve nga qytetarët, ndërsa vetëm i treti drejtuesi politik Helidon Bushati.

Zhgënjim është Nard Ndoka, që në listën u vendos i teti dhe që nga numri i fletëve të votimit për partitë mbeti jashtë, por edhe shpresa e fundit që mund të thyente hersin është shuar, pasi deri tani ka marrë 78 vota, më pak se të gjithë. LSI ka një deputet që do të jetë Agron Çela, i cili vështirë të thyhet, pasi kryeson edhe listën e të preferuarve. Nga PSD, Doshi është më i preferuari, por pas dorëheqjes vendin e tij në parlament do ta marrin dy kandidatët e radhës në listë.

Vota preferenciale Shkodër-177 nga 411 kuti

PSD

Tom Doshi-2980 vota

Gledis çeliku-468

Meri Markiçi-268

LSI

Agron Çela- 1137 vota

Benet Beci 3586 vota

Paulin Sterkaj 2861

Ilir Beqaj 1558

Edona Bilali 1235

Bardh Spahia 3577 vota