Emri i Elseid Hysajt vazhdon të qarkullojë në merkato dhe të përflitet për shkëmbime të ndryshme. Shkodrani mund të largohet nga Napoli, por jo nga Serie A. Calciomercato raporton se nënkampionët e Italisë po negociojnë për një shkëmbim lojtarësh me Romën.
Drejtori sportiv i Napolit, Cristiano Giuntoli pëlqen shumë Rick Karsdorp. 25-vjeçari holandez është huazuar te Feyenoord dhe fundi i sezonit do e rikthejë në kryeqytetin italian. Nga ana tjetër, Roma s’e ka humbur kurrë interesimin për Hysajn.
Dy klubet pritet të arrijnë një akord për shkëmbimin e lojtarëve të të njëjtit rol, atë të mbrojtësit të djathtë. Një marrëveshje që i kënaq të gjithë palët, teksa 26-vjeçari shqiptar do të niste aventurën e tretë në Serie A, pas aktivizimit me Empolin dhe Napolin /abcnews.al
