Ekipi i Napolit ka patur shumë luahtje këtë sezon. Shkarkimi i Ancelottit, kriza me yjet e ekipit apo dhe disa rezultate negative radhazi janë disa nga problemet që napoletanët janë përballuar.
Tashmë me Gattuson në pankinë situata është më mirë dhe sigurisht po mendohet për sezonin tjetër, ku presidenti Laurentis kërkon të ndërtojë një ekip të denjë.
Kjo verë pritet të ketë shumë hyrje dhe dalje një merkato, pra me pak fjalë një revolucion i vërtetë. Shumë lojtarë i mbaron kontata në qershor dhe nuk përjashtohet mundësia që disa nga yjet e ekipt të largohen.
Sipas ‘’Tuttomercatoweb.com’’, një nga objektivat e bardhekaltërve është mesfushori i Milanit, Hakan Calhanoglu. Turku ishte një nga lojtarët kryesorë të kuqezinjve në kohën kur Rino ishte trajneri i Milanit.
Një ribashkim me Gattuson mund ta tundojë mesfushorin dhe me shumë mundësi mund ta shikojmë në jugun e Italisë sezonin tjetër. Një tjetër emër që qarkullon në mediat italiane është dhe sulmuesi i Wolves, Diego Jota. Portugezi ka shënuar 15 gola në këtë sezon dhe shikohet nga drejtuesit si një goditje e duhur për sulmin. /abcnews.al
