Në një kohë që grevistët janë ngujuar dhe dalin prej aty vetëm për të shkuar në spital, naftëtarët e Ballshit protestuan duke marshuar dhe bllokuar rrugën kryesore.
Një tjetër grevist përfundoi mbrëmë në spital pas përkeqësimit të gjendjes shëndetësore. Ai u rikthye në grevë afër mëngjesit për të vazhduar bashkë me kolegët rezistencën ndaj asaj që e kanë quajtur tallje me djersën e naftëtarëve.
“Ballshi po falimenton në të gjitha aspektet”, u shpreh ai.
Protesta u shndërrua në marshim të cilit iu bashkuan edhe qytetarët
Ndërkohë që greva e urisë vazhdon asnjë zgjidhje nuk është ofruar nga shteti apo kompanitë që administrojnë uzinën e përpunimit të naftës në Ballsh.
900 naftëtarë kanë 27 paga të papaguara ndërsa puna në uzinë është ndalur prej 9 muajsh.
Shkak për ndalesën e fundit u bënë mosmarrëveshjet mes “Bankers Petroleum” dhe kompanive të Rafinerisë për furnizimin e kësaj të fundit, me naftë bruto.
/abcnews.al/
