Greqia ka reaguar në lidhje me pretendimet e Turqisë se anija e tyre “Cesme” është “ngacmuar” nga avionët luftarakë F-16 në Egje. Athina mohon akuzat duke i cilësuar si përpjekje për t’u viktimizuar.
Greqia thotë se në zonën e Egjeut ku ndodhet anija turke, u krye një stërvitje ushtarake e Forcave Ajrore për të cilën njoftimi ishte bërë që në datë 9 shkurt, 5 ditë para ditës kur Turqia lëshoi NAVTEX-in.
Pasi Ankaraja nxori anijen “Cesme” në lundrim për mision kërkimor në Egje, pala turke akuzoi Greqinë se e ka “ngacmuar” me avionë F-16-të duke vijuar debatin në distancë./ db/ Abcnews.al
