Gjatë një intervistë të fundit, Elon Musk tha se mungesat e baterive të makinave elektrike dhe problemet në zinxhirët e furnizimit po i kushtonin Teslës miliarda dollarë, sipas Business Insider.
“Të dy fabrikat e Berlinit dhe Austin janë furra gjigante parash tani,” tha Musk në një intervistë me Tesla Owners Silicon Valley, e cila u postua në YouTube të mërkurën.
Gjatë intervistës, njeriu më i pasur në botë tha se një nga shqetësimet e tij më të mëdha ishte se si t’i mbante në punë fabrikat e Teslës. Rikujtojmë se Tesla së fundmi ka hapur disa fabrika në Teksas dhe Berlin. Objekti më i madh i prodhimit të kompanisë është në Fremont, Kaliforni, raporton abcnews.al.
Javën e kaluar, Musk tha se po planifikon të shkurtojë pagesën e stafit në Tesla me 10%. Isobel Asher Hamilton i Insajderit raportoi se disa punonjës ishin pushuar nga puna si rezultat i dekretit.
Vendimi erdhi pasi Musk tha se ekonomia e SHBA-së ishte ne recesion, që mund të zgjasë 18 muaj. Në intervistën me Tesla Owners Silicon Valley, e cila u publikua si pjesa e tretë e një serie videosh në YouTube nga një intervistë e 31 majit, CEO i Tesla tha se fabrika e kompanisë në Teksas ishte në gjendje të prodhonte vetëm një numër “të vogël” automjetesh.
Ai përmendi sfidat me prodhimin e baterisë 4680, si dhe vonesat në një port të Kinës, që kanë ndikuar në dërgesat e mallrave kryesore. Në fillim të këtij viti, Shangai izoloi banorët për shkak të COVID-19.
Por Musk është ankuar për pengesat në zinxhirët e furnizimit edhe në kaluarën. Vitin e kaluar, miliarderi tha se Tesla u përball me mungesa të shumta të zinxhirit të furnizimit. Në fillim të kësaj jave, Musk tha për Bloomberg se çështjet e zinxhirit të furnizimit ishin bërë pengesa më e madhe e Teslës.
“Ne po hasim më shumë kufizime dhe probleme në lëndët e para dhe aftësinë për të rritur prodhimin,” tha Musk në një intervistë me Bloomberg në Forumin Ekonomik të Katarit.
“Siç e di kushdo që ka provuar të porosisë një Tesla, kërkesa për makinat tona është jashtëzakonisht e lartë dhe lista e pritjes është gjithashtu e gjatë. Kjo nuk është e qëllimshme dhe ne do të rrisim kapacitetin e prodhimit sa më shpejt që të jetë e mundur.”
Tesla është një nga shumë prodhuesit e makinave që ka shprehur shqetësimin për pengesat në zinxhirët e furnizimit. Në prill, CEO i Rivian, RJ Scaringe tha se mungesa e baterive të makinave elektrike së shpejti mund të shkaktojë edhe më shumë probleme në industrinë e automobilave sesa mungesa e çipave.
Vitin e kaluar, CEO i Ford, Jim Farley tha se mungesa e çipave kishte shkaktuar “goditjen më të madhe të furnizimit” që ai kishte parë ndonjëherë.
/abcnews.al
