Loading ...
Vedat Muriqi është vërtet në garë për Këpucën e Artë të La Ligës së Spanjës, pasi shënoi sërish.
Sulmuesi I Kosovës realizoi në barazimin 1-1 që Majorka arriti në shtëpi ndaj Vijarrealit, dhe mund të arrijë një sukses të madh, edhe pse skuadra e tij është në rrezik për të rënë nga kategoria.
Ylli “dardan” ka tani 22 rrjeta në kampionat, duke qenë vetëm dy gola prapa nga lideri I kësaj renditjeje, Kilian Mbape.
E vërtetë që francezi I Realit ka epërsi sepse ka 4 asiste, ndaj vetëm 1 të shqiptarit, pra Vedatit I duhen 3 gola më shumë sesa ai nëse dëshiron Këpucën e Artë.
Sidoqoftë, mundësitë janë.
Përse shpresa është kaq e madhe?
Kryesorja, nga fakti që Mbape vështirë se do të kthehet këtë sezon të luajë për Madridin, ndërsa vazhdon të jetë I dëmtuar.
Reali nuk ka shpresë për titull, ndërsa rivali I Muriqit dëshiron të mos rrezikojë për Kupën e Botës, ku synon trofeun me Francën.
“Muriqi është dy gola larg nga Mbape, – shkruan “Marka”, – e ka zyrtarizuar që do të luftojë për Topin e Artë, ndërsa ekipi rrezikon rënien! Drithërues!”
“Muriqi në gjueti të Mbapesë, – është edhe refreni I “AS”-it, – Sulmuesi kosovar kthehet të shënojë dhe shkurton distancën nga francezi!”
Në tre javë të mbetura, sulmuesit të Kosovës I duhen pikërisht tri rrjeta, ndonëse është më shumë sesa mesatarja e tij, pasi deri tani ka 22 gola në 34 ndeshje në La Ligë.
