Mungesa e kontrollorëve, deri në çfarë ore do të jenë të pezulluara fluturimet në Rinas

schedule09:37 - 8 Prill, 2021

schedule 09:37 - 8 Prill, 2021

Për shkak të mungesës së një pjese të madhe të kontrollorëve të trafikut ajror, fluturimet e parashikuar a për në Rinas gjatë ditës së sotme janë pezulluar deri në 14:00.

Aeroporti “Nënë Tereza” nuk ka njoftime për pezullim të fluturimeve pas orës 14:00. Kujtojmë se të paktën 24 kontrollorë të trafikut ajror janë shoqëruar në polici. Katër të tjerë janë liruar paraditen e së enjtes.

Pasi ata shpallën paaftësinë e përkohshme me argumentin se janë të stresuar,  fluturimet në aeroportin “Nënë Tereza” u pezulluan. Deri tani, asnjë urdhër arresti nuk është prerë për asnjë prej kontrollorëve.

Shoqërimet e tyre për t’u marrë në pyetje janë bërë me urdhër të Prokurorisë pas kallëzimit që kompania Albcontrol bëri ndaj organizatorëve. Ndërsa Prokuroria nisi hetimet me akuzën e shpërdorimit të detyrës. sb/abcnews.al/