Loading ...
Është përcaktues edhe kur nuk shënon vetë.
Ernest Muçi ishte sërish truri dhe motori lëvizës I Trabzonsporit, që arriti një tjetër fitore në Superligën e Turqisë.
Futbollisti I kombëtares ishte protagonist në të tre golat në suksesin 3-1 në shtëpi kundër rivalit Karagymryk.
Aksioni I golit të parë u nis nga këmbët e tij me pasimin e zgjuar për lojtarin që shërbeu asistin që sulmuesi Onuaçu e dërgoi në rrjetë.
Pasi miqtë barazuan papritur në pjesën e parë, Muçi krijoi dy golat e tjerë me anë të goditjeve nga këndi.
Gjithçka ndodhi me të nisur pjesa e dytë, dhe autor ishte I njëjti lojtar, Nuaiu në minutat 47 e 50.
Në të dy rastet, harkimet e Muçit u devijuan përkatësisht nga Tufan dhe Onuaçu, ndërsa lojtari afrikan e dërgoi më pas topin në rrjetë.
Pra, edhe kur nuk shënon vetë, edhe kur nuk jep direkt asistin e golit, sërish Muçi është tepër I pranishëm dhe shumë I rëndësishëm në krijimin e rrjetave dhe në lojën e Trabzonsporit.
Ai ka këtë sezon 13 gola e 6 asistë, shumicën dërrmuese në Superligën turke, dhe gjithçka e ka arritur në 17 ndeshjet e fundit.
Skuadra e tij është në vendin e tretë në renditjen e kampionatit dhe synon të paktën kualifikimin në Ligën e Europës, ndonëse mund të arrijë edhe Championsin, dhe një mundësi e vogël matematike është të fitojë titullin.
