Dy shqiptarët nuk patën fat këtë herë.
Ylber Ramadani ishte në fushë për Leçen si titullar, dhe Medon Berisha hyri si zëvendësues, ndërsa skuadra puljeze u mund thellë në stadiumin “Olimpiko” nga Roma.
Rezultati 4-1 tregoi diferencën, ndërsa mesfushori kuqezi, Ramadani, u largua nga fusha në pushim, kurse Berisha 21-vjeçar hyri në minutën e 65-të, duke goditur shtyllën në fund.
Mëkat, sepse mund të kishte shënuar në një aksion krejt personal.
Ndëkraq, një sulmues I harruar pati një moment kthese në Itali.
Ky është Stiven Shpendi, vëllai I shënuesit më të mirë të Serisë B, Kristian Shpendit, që luan gjithashtu në nivelin e dytë në Apenine.
Futbollisti që shkëlqeu dy sezone më parë në Serinë C, shënoi golin e parë në B për këtë edicion.
Ishte një rrjetë me shumë rëndësi sepse I dha fitoren ekipit të tij, Karrareze, ndaj Palermos, dhe u shënua në 77’.
Shpendi 21-vjeçar ka një gol dhe një asist në 9 ndeshje në kampionat, ndërsa këtë herë ishte në fushë 85 minuta.
Në Turqi, Ernest Muçi nuk mundi të festonte siç duhet fitoren e derbit nga ana e Beshiktashit kundër Fenerbahçes.
Ylli I kombëtares shqiptare hyri në fushë vetëm pak minuta, madje në kohën shtesë, por thuajse shënoi.
Ai pati një rast të pabesueshëm për 2-0, veçse u ndalua nga portieri.
Beshiktashi fitoi 1-0 derbin ndaj ekipit të Zhoze Murinjos me gol shënuar nga Okslejd-Çembërlend në minutën e 73-të. /abcnews.al
