Igli Tare vazhdon punën për të përforcuar Lazion me lojtarë premtues dhe cilësorë. Një emër që vlonjati ndjek prej kohësh është Yusuf Yazici, mesfushori ofensiv i Lille.
Lojtari turk (26 ndeshje dhe 1 gol me kombëtaren) zhvilloi një ndeshje perfekte në “San Siro” më 5 nëntor. Ekipi francez fitoi 0-3 kundër kuqezinjve në sfidën e Europa League dhe të tre golat u realizuan nga Yazici.
Drejtori sportiv i Lazios e monitoron prej kohësh 23-vjeçarin, i cili shihej si zëvendësuesi perfekt i Milinkovic-Savic. Mesfushori serb nuk është shitur, vazhdon të luajë me Lazion, teksa Tare i është rikthyer pistës Yazici.
Calciomercato raporton se lojtari i Lille (ka shënuar 7 gola këtë sezon) cilësohet si një përforcim fantastik për ekipin e Simone Inzaghit dhe Igli Tare nuk ka hequr akoma dorë nga blerja e tij. /abcnews.al
