Jose Mourinho u shkarkua nga stoli i Manchester United dhjetorin e kaluar dhe po qëndron pushim në pritje të një klubi të madh dhe projekti të rëndësishëm. Portugezi është rikthyer të flasë për ish-ekipin e tij për “Daily Mail”.
“Special One” është ndalur te çështja e portës. David De Gea rinovoi me datë 16 shtator deri në vitin 2023, ndërsa do të përfitojë një rrogë prej 375 mijë sterlinash në javë pas shumë negociatave.
Mourinho e quan me fat spanjollin që arriti të siguronte një kontratë të tillë. “Unë nuk mendoj se United duhet të paguante aq shumë për rinovimin me De Gean. Një ose dy vite më parë, ai kishte gjithë botën pas tij. Në këtë moment dyert dhe portat e shumë klubeve të mëdha janë mbyllur. David është një portier shumë i mirë, por nuk shoh fare presion. Cili ekip tjetër do i dhuronte një kontratë të tillë? Ai siguroi një kontratë fenomenale dhe ishte me fat për diçka të tillë”, thekson trajneri i mirënjohur. /abcnews.al
