Moska e ka cilësuar ndalimin e hyrjes së turistëve rusë në Norvegji nga 29 Maji si një akt armiqësor dhe diskriminues. Në një konferencë për shtyp, zëdhënësja e ministrisë së Jashtme ruse, Maria Zakharova deklaroi se Moska do të përgjigjet me masa hakmarrëse.
“Hapi i ri armiqësor i Oslos ndaj qytetarëve rusë është i një natyre haptazi diskriminuese,” vuri në dukje Zakharova, duke shtuar se vendimi i Oslos “ka për qëllim shkatërrimin përfundimtar të çdo lidhjeje midis popujve të Rusisë dhe Norvegjisë”.
Më herët, në lidhje me këtë vendim, ministrja e Drejtësisë së Norvegjisë Emilie Enger Mehl tha:
“Vendimi për të forcuar rregullat e hyrjes është në përputhje me qasjen norvegjeze për të qëndruar pranë aleatëve dhe partnerëve në reagim ndaj luftës së paligjshme të agresionit të Rusisë kundër Ukrainës”./abcnews.al
