Ministria ruse e Mbrojtjes po përgatit masa për t’iu përgjigjur në kohë provokimeve nga dronët zbulues amerikanë që fluturojnë mbi Detin e Zi. Këtë e ka bërë të ditur vetë ministria e Mbrojtjes ruse.
“Ministria ruse e Mbrojtjes vë në dukje intensitetin në rritje të fluturimeve të mjeteve ajrore strategjike amerikane pa pilot mbi Detin e Zi, të cilat kryejnë zbulimin dhe përcaktimin e objektivave të armëve me precizion të lartë të furnizuar për forcat e armatosura ukrainase nga shtetet perëndimore të godasin objektivat ruse. Kjo tregon përfshirjen në rritje të Shteteve të Bashkuara dhe vendeve të NATO-s në konflikt”, tha ministria.
Sipas Moskës, fluturime të tilla rrisin ndjeshëm mundësinë e aksidenteve në hapësirën ajrore me avionët e Forcave Ajrore Ruse, “gjë që rrit rrezikun e një përplasjeje të drejtpërdrejtë midis Aleancës dhe Federatës Ruse”.
Prandaj, Ministri i Mbrojtjes, Andrei Belousov, udhëzoi Shtabin e Përgjithshëm të Forcave të Armatosura të paraqesë propozime për masat për t’iu përgjigjur menjëherë provokimeve./abcnews.al
