Ministri i Jashtëm rus Sergej Lavrov përsëriti qëndrimin e vendit të tij se Perëndimi do të marrë një përgjigje të barabartë nëse armatos “armiqtë” e Moskës.
“Kjo është absolutisht, siç thonë ata, një përgjigje simetrike. Nëse ju armatosni armikun tonë, atëherë ne do të vendosim vetë se si t’i përgjigjemi veprimeve tuaja armiqësore,” tha Lavrov në një intervistë.
Presidenti rus Vladimir Putin tha gjatë një takimi me krerët e agjencive kryesore globale të lajmeve, përfshirë Anadolu, të mërkurën se Moska konsideroi veprime simetrike në përgjigje të furnizimit me armë perëndimore në Ukrainë.
Duke shprehur se nuk ka dyshim se Perëndimi i ka dëgjuar dhe kuptuar komentet e Putinit për këtë çështje, Lavrov i quajti gjithashtu “gënjeshtra” deklaratat e fundit të zyrtarëve francezë për mungesën e instruktorëve francezë në Ukrainë.
“Shikoni se si u dridhën kolegët tanë francezë, kryeministri i Francës (Gabriel Attal) papritmas filloi të thotë se ne (Franca) nuk kemi instruktorë atje. Kjo nuk është e vërtetë dhe ata e dinë”, tha Lavrov.
Kujtojmë që të enjten, Attal refuzoi që vendi i tij të dërgojë trupa në Ukrainë gjatë një interviste me France 2, duke thënë më tej se ideja e dërgimit të instruktorëve francezë për të trajnuar ushtarët ukrainas “nuk është tabu”.
/abcnews.al
