Kryetari i AAK-së, Ramush Haradinaj ka folur për deklaratat që ka bërë në Kuvend në drejtim të kryeministrit Albin Kurti. Haradinaj në “Debat Plus” thotë se nuk ka mundur të heshtë ndaj përgjithësimeve që kishte bërë, sipas tij, Albin Kurti në Bruksel sa i përket kriminelëve të luftës në Ballkan.
“Kurti nuk e ndau Kosovën nga ajo deklaratë. Unë si ish-kryeministër nuk mund të mos e vlerësojë drejtë dëmin që kjo deklaratë i bënë Kosovës…Kurti foli me gjuhën e njëjtë për pjesëmarrësit në luftëra si për Mlladiqin, si për Serbinë si për mua”, tha ai
Kreu i AAK-së thotë se edhe Serbia ka tentuar të barazojë kriminelët serbë të luftës me boshnjakët, kroatët por edhe shqiptarët.
“Edhe Kurti në Bruksel foli më gjuhën e Serbisë. Për ata arsye ja kam bërë pyetjen se “mos jeni rekrutuar nga Serbia”. Pra për shkak të dëmit që na ka bërë gjuha e tij nga Brukseli”.
Haradinaj thotë se deklarata e Kurtit në Bruksel ishte me e keqe se që kishte bërë Jabllanoviqi ndaj nënave Gjakovare. Ai thotë se Kurti në Bruksel u deklarua sikurse të ishte kryetar i Jugosllavisë e jo i Kosovës.
Kujtojmë se Kurti me 18 maj deklaroi në Bruksel se “edhe më tej, në Ballkanin Perëndimor kemi edhe kriminelë të luftës dhe të paqes që dominojnë në institucione”. /abcnews.al/
