Prokuroria e Posaçme (SPAK) ka mbyllur hetimet dhe ka dërguar pë gjykim ish-oficerin e Policisë Gjyqësore të Prokurorisë së Tiranës, Fatbardh Lala.
Lala akuzohet nga SPAK se në këmbim të 50 mijë lekëve ka premtuar se do të ushtronte ndikim te një prokuror dhe gjyqtar për të lehtësuar pozitat e shtetasit Ermir Llagaçi në një proces penal, si dhe ka nxjerrë akte sekrete.
Hetimet jane mbyllur edhe për Ermir e Tefta Llangaçi që i dhanë shumat monetare Lalës.
SPAK thotë se pavarësisht se OPGJ-ja e ka marrë vlerën monetare, ai nuk ka arritur të ndikojë të prokurori dhe gjyqtari, pasi Ermir Llagaçi është dënuar me burg./abcnews.al
