Arrestohet nga Policia e Beratit 37-vjeçari, Ervis Domaxeti i cili mbrëmjen e së enjtes aksidentoi katër automjete të parkuara, pasi humbi kontrollin. Ndërsa pas aksidentit të shkaktuar ai u largua nga vendi i ngjarjes.
Pas testit të alkoolit rezultoi se drejtuesi i mjetit, Domaxoti ishte në gjendje të dehur, në masën 0.78 mg/litër.
Lexo edhe: Aksident i rëndë në Berat, BMW-ja merr përpara 4 automjete të tjera! Drejtuesi ia mbath
Si pasojë e këtij aksidenti mbeti i dëmtuar pasagjeri që ndodhej në automjet me 37-vjeçarin i cili u dërgua menjëherë në spital për të marrë ndihmën mjekësore në Spitalin e Traumës Tiranë.
Sakaq materialet u referuan në Prokurorinë pranë Gjykatës së Shkallës së Parë Berat, për veprime të mëtejshme.
Informacion:
Nga specialistët e Qarkullimit Rrugor u bë arrestimi në flagrancë i shtetasit E. D., 37 vjeç, banues në lagjen “Kushtrim” Berat, i cili duke drejtuar mjetin tip “BMW”, pasi ka humbur kontrollin ka goditur 4 mjete që ishin të parkuara dhe më pas është larguar nga vendi i ngjarjes.
Si pasojë është dëmtuar pasagjeri që ishte në mjetin e tij, shtetasin I. Th., 39 vjeç, banues në lagjen “30 Vjetori”, Berat, i cili është dërguar për të marrë ndihmën mjekësore në Spitalin e Traumës Tiranë.
Pas testit të alkoolit rezultoi se drejtuesi i mjetit, shtetasi E. D. ishte në gjendje të dehur, në masën 0.78 mg/litër.
Materialet u referuan në Prokurorinë pranë Gjykatës së Shkallës së Parë Berat, për veprime të mëtejshme.
/abcnews.al/
