Moldavia dhe Ukraina kanë rënë dakord zyrtarisht për të lejuar rrjedhjen e gazit nga Rusia në rajonin prorus të Moldavisë të Transnistria, edhe pasi kontrata e furnizimit me Gazprom të skadojë në fund të vitit.
Siç raporton Bloomberg, rruga e re përmes Turqisë është një opsion i zbatueshëm për dërgimin e gazit rus në Transnistria, tha ministri moldav i Energjisë Victor Parlicov.
“Ne nuk do ta pengojmë këtë tranzit, sepse nuk duam të krijojmë krizë në rajon, veçanërisht pasi do të bëhej menjëherë problem për të gjithë Moldavinë, por gjithashtu nuk do të japim garanci nga qeveria për asnjë kontratë gazi”, tha Parlicov.
Pas shpërthimit të luftës në Ukrainë, Moldavia hoqi dorë nga gazi rus dhe filloi ta blinte këtë energji ekskluzivisht në tregun evropian.
Gazprom, megjithatë, vazhdon të furnizojë me gaz Transnistria, e cila siguron pjesën më të madhe të energjisë elektrike të Moldavisë.
Skenari bazë i Fondit Monetar Ndërkombëtar (FMN) supozon se vendet evropiane gradualisht do të braktisin plotësisht karburantet fosile ruse deri në vitin 2030.
Pjesa e Federatës Ruse në importet e gazit në Bashkimin Evropian u zvogëlua nga 41 për qind në vitin 2021 në 15 për qind në 10 muajt e parë të 2023, thekson FMN në faqen e saj të internetit, duke cituar raportet e Eurostat./abcnews.al
